„ჩვენი მიზანია, ღირსების მარში ჩავშალოთ“ - გურამ ფალავანდიშვილი

„ჩვენი მიზანია, ღირსების მარში ჩავშალოთ“ - გურამ ფალავანდიშვილი

საზოგადოება „ზნეობის“ წარმომადგენელი, გურამ ფალავანდიშვილი აცხადებს, რომ ყველაფერს იღონებს ე.წ. ღირსების მარშის ჩასაშლელად.

მისივე თქმით, ვერის ბაღში უკვე იკრიბებიან მისი თანამოაზრეები, რათა სამოქმედო გეგმაზე იმსჯელონ.

ფალავანდიშვილის განცხადებით, იმ შემთხვევაში, თუ უახლოეს პერიოდში გაიგებენ ღირსების მარშის ჩატარების ადგილს, დღესვე მივლენ იმ მიზნით და მოთხოვნით, რომ მარში არ გაიმართოს.

„თუ გავიგეთ, რომ ღირსების მარში ტარდება რომელიმე ცენტრალურ ქუჩაზე, დღესვე მივალთ და დავიკავებთ იმ ადგილს, რათა მარშის გამართვის საშუალება არ მივცეთ. იმ შემთხვევაში, თუ პოლიცია კორდონს აღმართავს, ვეცდებით, გავარღვიოთ. შევეცდებით „თბილისი პრაიდი“ ჩავშალოთ“,- განაცხადა ფალავანდიშვილმა.

მისივე ინფორმაციით, მხარდამჭერებს რეგიონებიდანაც ელოდებიან.

„თბილისი პრაიდის“ ორგანიზატორების ინფორმაციით, ხვალ ღირსების მარში გაიმართება. ამის შესახებ ინფორმაცია „თბილისი პრაიდის“ ფეისბუქგვერდზე გავრცელდა.