სალომე ზურაბიშვილი ვლადიმირ ზელენსკის შეხვდა

სალომე ზურაბიშვილი ვლადიმირ ზელენსკის შეხვდა

საქართველოს პრეზიდენტი სალომე ზურაბიშვილი სამუშაო ვიზიტით პოლონეთის რესპუბლიკას სტუმრობს. სალომე ზურაბიშვილი ვარშავაში, მსოფლიოს სხვადასხვა ქვეყნის ლიდერებთან ერთად, მეორე მსოფლიო ომის დაწყებიდან 80 წლის იუბილესთან დაკავშირებულ ღონისძიებებში მიიღებს მონაწილეობას.

სალომე ზურაბიშვილი ვარშავაში უკრაინის პრეზიდენტ ვლადიმირ ზელენსკის შეხვდა. სამუშაო ვიზიტის ფარგლებში საქართველოს პრეზიდენტი რამდენიმე მნიშვნელოვან შეხვედრასაც გამართავს. ის ასევე შეხვდება შვედეთის სამეფოს პარლამენტის სპიკერს, ანდრეა სნორლენს; ბულგარეთის რესპუბლიკის პრეზიდენტ რუმენ რადევს; ესტონეთის რესპუბლიკის პრეზიდენტ კერსტი კალიულაიდის; ბელგიის სამეფოს პრემიერ-მინისტრ შარლ მიშელს; სლოვაკეთის რესპუბლიკის პრეზიდენტ ზუზანა ჩაპუტოვას.

დღის ბოლოს სალომე ზურაბიშვილი დაესწრება პოლონეთის რესპუბლიკის პრეზიდენტის, ანჯეი დუდას სახელით გამართულ სადილს, რომელიც მიწვეული სტუმრების პატივსაცემად იმართება და ასევე კონცერტს, რომელიც მეორე მსოფლიო ომის დაწყებიდან 80 წლისთავს ეძღვნება.