საბურთალოს რაიონის რამდენიმე ქუჩას წყალმომარაგება შეეზღუდება

საბურთალოს რაიონის რამდენიმე ქუჩას წყალმომარაგება შეეზღუდება

„ჯორჯიან უოთერ ენდ ფაუერის“ ინფორმაციით, კომპანიამ კანდელაკის ქუჩაზე სრულად განაახლა სამი კილომეტრის სიგრძის წყალმომარაგების სისტემა. კომპანიამ სტაბილური წყალმომარაგებისთვის ახალ ქსელზე თანამედროვე ჩამკეტ-მარეგულირებელი ურდულები დაამონტაჟა. კომპანიის ცნობით, დღეს რეაბილიტაციის ბოლო ეტაპს – ახალ ქსელზე გადაერთების სამუშაოებს განახორციელებენ.

აღნიშნულთან დაკავშირებით, რამდენიმე საათის განმავლობაში მაგისტრალური ქსელის წყლისგან დაცლაა აუცილებელი, რის გამოც დილის 12:00 საათიდან 14 მაისის დილის 08:00 საათამდე წყალმომარაგება შეეზღუდება საბურთალოს რაიონში:

მგალობლიშვილის, კანდელაკის, გაგარინის, ისაკაძის, ონიაშვილის, ლვოვის, ბუდაპეშტის (ფანჯიკიძე), ჭილაძის, ოდესის, სხვიტარიძის, მარშალ გელოვანის, ოსეთის (ცხინვალის), ჰ.აბაშიძის, გამყრელიძის, ლომონოსოვის, იური ანტუას, იოანე ვაკელის, მ.ალასანიას, მეგრელიძის, ვ.ჩიქოვანის, დელისის, დელისის I ქუჩებს, შარტავას ქ. N43-დან 71-ის ჩთ, N44-დან 64-ის ჩთ; ტაშკენტის ქ. N21-დან 79-ის ჩთ, N18-დან 82-ის ჩთ; ვაჟა-ფშაველას გამზ. N1-დან 23-ის ჩთ, პეკინის ქ. N33-დან 43-ის ჩთ, N34-დან 46-ის ჩთ; ნუცუბიძის ქ. N 1-დან 57-ის ჩთ, N 2-დან 30-ის ჩათვლით.

როგორც „ჯორჯიან უოთერ ენდ ფაუერში“ განმარტავენ, სამუშაოების მიმდინარეობისას კომპანია მოსახლეობას წყალს ცისტერნებით მიაწვდის.

„ჯორჯიან უოთერ ენდ ფაუერი ბოდიშს გიხდით დისკომფორტისთვის“, – აცხადებენ კომპანიაში