თეთრმა სახლმა ტრამპის იმპიჩმენტში მონაწილეობაზე უარი განაცხადა

თეთრმა სახლმა ტრამპის იმპიჩმენტში მონაწილეობაზე უარი განაცხადა

თეთრმა სახლმა დონალდ ტრამპის იმპიჩმენტის საქმეზე „დემოკრატებთან“ თანამშრომლობაზე უარი განაცხადა. 

როგორც BBC წერს, ამის შესახებ აშშ-ის პრეზიდენტის თანაშემწის პეტ ჩიპოლინეს წერილშია ნათქვამი, რომელიც მან წარმომადგენელთა პალატაში „დემოკრატების“ ლიდერებს გაუგზავნა.

წერილში ასევე წერია, რომ გამოძიებას, რომელიც ტრამპის იმპიჩმენტის პროცედურის დაწყების მიზეზი გახდა, არანაირი კანონირი საფუძველი არა აქვს. ამასთან, ჩიპოლონე გამოიებას უსამართლოს და არაობიექტურს უწოდებს.

სექტემბერში აშშ-ის დაზვერვის თანამშრომელმა დონალდ ტრამპის წინააღმდეგ საჩივარი დაწერა, რომელიც მისი და ერთ-ერთი უცხოელი ლიდერის საუბარს ეხებოდა. მოგვიანებით აღმოჩნდა, რომ ეს ლიდერი უკრაინის პრეზიდენტი ვოლოდიმირ ზელენსკი იყო.

ჩანაწერის თანახმად, ტრამპმა სატელეფონო საუბრის დროს აშშ-ის ყოფილი ვიცეპრეზიდენტის, ჯო ბაიდენისა და მისი შვილის საკითხიგანიხილა. აშშ-ის კონგრესის დემოკრატმა წევრებმა კი გამოთქვეს ვარაუდი, რომ კორუფციასთან ბრძოლის საფარქვეშ ტრამპი უკრაინის ხელისუფლებას თავისი ოპონენტების წინააღმდეგ სისხლის სამართლებრივი დევნის დაწყებას აიძულებდა.

ამის შემდეგ თეთრმა სახლმა პრეზიდენტ დონალდ ტრამპსა და უკრაინის ლიდერ ვოლოდიმირ ზელენსკის შორის 25 სექტემბერს შემდგარი სატელეფონო საუბრის სტენოგრამა გამოაქვეყნა. მანამდე კი თავად ზელენსკიმაც დაადასტურა, რომ სატელეფონო საუბრისას ტრამპი მას ბაიდენზე ზემოქმედებისკენ არ უბიძგებდა.

მიუხედავად ამისა, აშშ-ის წარმომადგენელთა პალატის ნაწილმა დონალდ ტრამპის წინააღმდეგ იმპიჩმენტის ფორმალური პროცედურა დაიწყო. აშშ-ის წარმომადგენელთა პალატის გადაწყვეტილებას იმპიჩმენტის შესახებ ამერიკელების 47% მხარს უჭერს.