თუკი არსებობს საქართველოში სიმბოლო, თუ რატომ არის "ქართული ოცნება" ჩაფლავებული, ეს პირველ რიგში არის ქალაქი წყალტუბო

ევროპული საქართველო

გამოქვეყნებულია  61 ნახვა განახლებულია 10 დღის წინ

"ევროპული საქართველოს" წევრებმა გიორგი კანდელაკმა, აკაკი ბობოხიძემ და ოთარ კახიძემ, წყალტუბოში ერთობლივი ბრიფინგი გამართეს.

გიორგი კანდელაკის თქმით, ერთი წელი გავიდა, რაც ბიძინა ივანიშვილი საზოგადოებას დაპირდა, რომ წყალტუბოს სანატორიუმებს გამოისყიდდა და აქ სასტუმროებს ააშენებდა, თუმცა დღესაც წყალტუბოში ისეთივე უძრაობაა, როგორიც 1 წლის წინ.

კანდელაკმა აღნიშნა, რომ "ევროპული საქართველოს" გეგმა წყალტუბოს მოუტანს წარმატებას, სამუშაო ადგილებსა და კეთილდღეობას.

„დღეს გვსურს საზოგადოების ყურადღება მივაპყროთ იმ ფაქტს, რომ გავიდა ერთი წელი ბიძინა ივანიშვილის განცხადებიდან, რომელიც მან გააკეთა 2019 წლის ოქტომბერში, სადაც მან აიღო ვალდებულება, რომ წყალტუბოში მდებარე 22 სანატორიუმს და 9 აბაზანას გამოისყიდდა საკუთარი სახსრებით და აქცევდა მათ წარმატებისა და დასაქმების სიმბოლოდ, რომ ამ სანატორიუმებსა და აბაზანებში უნდა დასაქმებულიყო 10 000 ადამიანზე მეტი.

ერთი წლის თავზე, საზოგადოებისთვის ცხადია, რომ არაფერი არ გაკეთებულა, არც ერთი აბაზანა და სანატორიუმი, არცერთი მათგანისთვის ხარაჩოც კი არ მიუდგამთ. თუკი არსებობს საქართველოში სიმბოლო, თუ რატომ არის ქართული ოცნება ჩაფლავებული, ეს პირველ რიგში არის ქალაქი წყალტუბო.

ამ მშვენიერ სანატორიუმებში, ამ მშვენიერ შენობებში, ახლა უნდა ჩქეფდეს ცხოვრება, უნდა იყოს მაღალი კლასის სასტუმროები, უნდა ჩამოდიოდნენ ტურისტები და უნდა ბრუნავდეს ბევრი ფული, თუმცა ეს ასე არ არის.

დღეს, მე, აკაკი ბობოხიძე - ევროპული საქართველოს მაჟორიტარობის კანდიდატი ხონი, ვანი, წყალტუბო და სამტრედიის ოლქში და ოთარ კახიძე - "ევროპული საქართველოს" ქუთაისის მაჟორიტარობის კანდიდატი, გარდა იმისა, რომ საზოგადოების ყურადღებას ვამახვილებთ ამ შეუსრულებელ, თვალსაჩინო და სიმბოლურ დაპირებაზე, გვსურს საზოგადოებას წარვუდგინოთ კიდევ ერთხელ ჩვენი გეგმა, თუ რა არის საჭირო იმისთვის, რომ წყალტუბო იქცეს წარმატების, დასაქმებისა და კეთილდღეობის სიმბოლოდ.“ - განაცხადა კანდელაკმა.

"ევროპული საქართველოს" მაჟორიტარობის კანდიდატის წყალტუბოს, სამტრედიის, ვანისა და ხონის ოლქში, აკაკი ბობოხიძის თქმით, ბიძინა ივანიშვილმა არათუ არ შეასრულა დაპირება, არამედ გააჩერა ის პროექტებიც, რომელიც წყალტუბოს განვითარებას სჭირდებოდა. ბობოხიძემ აღნიშნა, რომ ერთადერთი შანსი ამ მხარის განვითარებისათვის, 31 ოქტომბერს ბიძინა ივანიშვილის დამარცხება და ერთობლივი მუშაობაა გარდამტეხი ცვლილებებისათვის.

„8 წელი გავიდა, რაც ბიძინა ივანიშვილმა 2012 წელს წყალტუბოს განვითარების პროექტი კი არ დაგვპირდა, უბრალოდ გააჩერა, რადგან 2012 წელს დაწყებული იყო და დღეს წყალტუბო იქნებოდა წარმატების თვალსაჩინო მაგალითი, თუმცა ამ 8 წელმა მოგვცა ის, რომ წყალტუბო 8 წლის წინანდელ მდგომარეობაშია. წყალტუბოში დრო გაჩერდა ზუსტად ისე, როგორც გაჩერდა მთელი ამ 8 წლის განმავლობაში საქართველოსთვის.

ერთადერთი შანსი, რომ ქვეყანა განვითარდეს და მოემზადოს გარდამტეხი ცვლილებებისათვის, ეს არის ბიძინა ივანიშვილის დამარცხება 31 ოქტომბრის არჩევნებში და შემდეგ ერთობლივი ძალებით ქვეყნის მომზადება წინსვლისთვის და ქვეყნის მომზადება ეკონომიკური წარმატებისთვის. დღეს, "ევროპული საქართველო" არის ის პოლიტიკური გუნდი, რომელიც ჰპირდება წყალტუბოს, ხონს, ვანსა და სამტრედიას და არამარტო ამ რაიონებს, არამედ მთლიანად საქართველოს ეკონომიკის წინსვლას და მასში ფულის დატოვებას, რეგიონებში ფულის დატოვებას, თვითმმართველობისთვის უფლებების გაზრდას, რადგან ეს არის ერთადერთი გზა იმისთვის, რომ ჩვენ უახლოეს პერიოდში მივიღოთ წარმატებული ქვეყანა. საქართველოს არ აქვს არცერთი წუთი დასაკარგი, ჩვენ ისედაც 30 წლის განმავლობაში ძალიან ბევრი დრო დავკარგეთ. - განაცხადა ბობოხიძემ.

ევროპული საქართველოს ქუთაისის მაჟორიტარობის კანდიდატის, ოთარ კახიძის თქმით, ქუთაისის აეროპორტში ვიზეარის ბაზის აღდგენა და რაინეარის ბაზის გახსნა, ყოველწლიურად ქუთაისს მოუტანს მილიონზე მეტ ევროპელ ტურისტს. კახიძემ აღნიშნა, რომ სატვირთო ტერმინალის დამატებით ქუთაისის აეროპორტში, იმერეთს ექნება დიდი საექსპორტო პოტენციალი.

„ევროპული საქართველო ყოველთვის იყო ის სწორი კომპასი, რომელიც მიანიშნებდა ქვეყნისთვის საჭირო ცვლილებებზე, როგორც ადრე, ისე დღეს. ჩვენ ვთვლით, რომ ქუთაისი უნდა გახდეს კვლავ ქვეყნის საპარლამენტო დედაქალაქი, ქუთაისი უნდა განვითარდეს წყალტუბოსთან ერთად, ჩვენ უნდა გამოვიყენოთ აეროპორტის სრული პოტენციალი და ეს იქნება გარდამტეხი ცვლილება ქვეყნისთვის, ისევე როგორც კონკრეტულად ქუთაისისთვის და იმერეთისთვის.

ივანიშვილმა არამხოლოდ არ შეასრულა თავისი დაპირებები, არამედ უკვე გაკეთებული საქმე გააფუჭა, პარლამენტი წაართვა ქუთაისს, აეროპორტი, რომელიც რაინეარზე იყო გათვლილი, 3 წლით დააკონსერვა და დღეს არათუ რაინეარის, არამედ ვიზეარის ბაზაც დახურულია და წყალტუბოს უკვე არსებული, დამტკიცებული პროექტი გააჩერა.

ჩვენ, ევროპული საქართველო როდესაც მოვიტანთ გარდამტეხ ცვლილებებს, ქუთაისში რაინეარის ბაზის გახნის მერე ჩამოვა მილიონზე მეტი ევროპელი ტურისტი, ეს იქნება ახალი პერსპექტივა ქუთაისისთვის, წყალტუბოსთვის და ჩვენ გუნდს აქვს გეგმა, რომლითაც ქუთაისი და წყალტუბო ერთიანობაში გახდებიან ინტეგრირებული, პატარა ევროპული საპარლამენტო ქალაქი და სპეციალური გამაჯანსაღებელი, რეკრეაციული, უნიკალური სივრცე. ეს არის ჩვენი გეგმა, რომელიც მოიტანს გარდამტეხ ცვლილებებს.“ - განაცხადა კახიძემ

Image

infoclear

თქვენი რეაქცია?

0
LOL
0
LOVED
0
PURE
0
AW
0
FUNNY
0
BAD!
0
EEW
0
OMG!
0
ANGRY
0 კომენტარი

infoclear
  • თუკი არსებობს საქართველოში სიმბოლო, თუ რატომ არის "ქართული ოცნება" ჩაფლავებული, ეს პირველ რიგში არის ქალაქი წყალტუბო
  • unipress