რა უნდა მოხდეს იმისთვის, რომ თქვენ, განიხილოთ გადასახადების რეალური დაწევა, რამდენად უნდა დამძიმდეს ვითარება?

გიგა ბოკერია

გამოქვეყნებულია  63 ნახვა განახლებულია 6 თვის წინ

რა უნდა მოხდეს იმისთვის, რომ თქვენ, განიხილოთ გადასახადების რეალური დაწევა, რამდენად უნდა დამძიმდეს ვითარება? -  "ევროპული საქართველოს" ერთ-ერთმა ლიდერმა, გიგა ბოკერიამ, საკანონმდებლო ორგანოში, ინტერპელაციის წესით მისულ ნათია თურნავას მიმართა. ბოკერიას თქმით, ქვეყანაში არის უმძიმესი ეკონომიკური ვითარება, ხოლო ივანიშვილი და მისი ხელისუფლება უტიფრად აგრძელებს თვითკმაყოფილებას და ტყუილის ტირაჟირებას საზოგადოებაში.

"თქვენი მთავრობის მონაცემებით 2016-2019 წლამდე სადღაც 45 ათასით შემცირდა ოფიციალური დასაქმებულთა რიცხვი, ხოლო 2020 წლის მეორე კვარტალში წინა წელთან შედარებით 33 ათასით ნაკლები ადამიანია დასაქმებული. ეკონომიკის შემცირებამ -12 % შეადგინა. მე მინდა თქვენ გვითხრათ ზღვარი, რა ზღვრის შემდეგ განიხილავთ სერიოზულად ტვირთის შემცირებას მეწარმეებისა და მოქალაქეებისთვის. თქვენს პასუხში გიწერიათ, რომ სამასი მილიონი დავტოვეთ ეკონომიკაშიო, 6 მილიარდი არის დაკარგული და 300 მილიონი დაუტოვეთ ხალხს? ეს ბალანსი თქვენი აზრით პასუხობს იმ გამოწვევას, რომლის წინაშეც ჩვენი მოქალაქეები და მეწარმეები დგანან? საშუალო კლასი და გაჭირვებული ხალხი? რა ზღვარს უნდა აცდეს კრიზისი და გაჭირვება, თქვენ რომ ტვირთის შემსუბუქება განიხილოთ და 300 მილიონი რანაირად პასუხობს 6 მილიარდიან დანაკარგს?! ისევ უტიფარი ტყუილი, ვწუხვარ რომ ეს უნდა გითხრათ.

თქვენს პასუხში გიწერიათ, რომ თურმე მესამე ადგილზეა საგადასახო ტვირთით საქართველო, რაზე გაქვთ გათვლა, რომ ამ სიცრუეს უბრალოდ არავინ არ შეამოწმებს? აქ იყო პრემიერ-მინისტრი, თქვენი გუნდის ლიდერი, ლიდერი კი არა, ლიდერის ერთ-ერთი ასისტენტი, ივანიშვილის ერთ-ერთი ასისტენტი, მან გაიმეორა სიცრუე, ჩვენ მას მივუთითეთ რომ თქვენ ცრუობთ. გადასახადებს საერთო ტვირთით საქართველო არის 119-ე თუ 118 ადგილზე. ამ სიცრუეს რა აზრი აქვს ჩვენს მოქალაქეებს რითი უმსუბუქებს მდგომარეობას?"- განაცხადა გიგა ბოკერიამ

Image

თქვენი რეაქცია?

0
LOL
0
LOVED
0
PURE
0
AW
0
FUNNY
0
BAD!
0
EEW
0
OMG!
0
ANGRY
0 კომენტარი

  • რა უნდა მოხდეს იმისთვის, რომ თქვენ, განიხილოთ გადასახადების რეალური დაწევა, რამდენად უნდა დამძიმდეს ვითარება?
  • unipress